Den lama Caribe, dilanti di costa di Venezuela, ta situa e isla Aruba, cu Oranjestad como capital.

Aruba ta mas of menos 31 km (19 miya) largo y 8 km (5 miya) hancho. Su superficie ta mas of menos 190 km2 (75 miya cuadra). Na 2022 e poblacion di Aruba tabata alrededor di 110 habitante (CBS december 2022), y tin un cantidad di 180 diferente nacionalidad, cu ta forma e comunidad di Aruba.

Aruba tin un clima tropical y e temperatura ta constantemente cayente, cu un promedio di temperatura di 27.8 grado Celsius. Den Caribe e isla- y paisnan no conoce cambio di temporada di temperatura, loke ta keda indica na idioma Hulandes cu lente, zomer, herfst y winter. For di luna di october te cu februari ta temporada di yobida y e ora por haya un haltura te cu 22 cm di awa riba e isla. E vegetacion di Aruba ta consisti di palonan abou, yerba y cadushi. E matanan di importancia pega cu e costanan di lama ta e matanan di mangel y rond di e isla por mira na varios sitio e palonan di kwihi. Caracteristico di Aruba ta su formacion di barancanan grandi, cu ta mas tanto situa den e barionan di Ayo, Paradera y Piedra Plat. E asina yama stollingsgesteente, ta piedranan di ‘tonalite’, esakinan ta piedranan di vulkaan, cu durante e epoca di pre-historia, door di presion a bini ariba. Despues di tempo erosion, biento y awa a duna cada piedra su forma unico. E paisahe di Aruba ta uno hopi plat. E sero di mas halto ta Yamanota (188 m), pero e sero mas popular ta Hooiberg (165 m) cu ta situa den centro di e isla.

Aruba ta conoci pa su lama blauw y playanan largo di santo blanco na e parti di e isla. E parti oost tin piedranan mas rustico y e lama ta mas bruto. Un gran parti ta pertence na Parke Nacional Arikok, unda por experiencia e naturalesa arido di Aruba. E biento ta constante y ta supla for di direccion oost y ta conoci como e ‘noord-oost passaat’.

Aruba, hunto cu e otro 5 islanan ta parti di Reino Hulandes, y ta forma e islanan di Caribe Hulandes. Desde aña 1954 Reino Hulandes a reconoce e auto-determinacion di tur e islanan. Dia prome di januari 1986, Aruba a haya su Status aparte y desde 10-10-’10, e islanan Sint Maarten y Corsou tambe a haya e derecho pa goberna como pais autonomo den Reino Hulandes. Hunto cu Corsou y Sint Maarten, Aruba tambe ta un miembro asocia di UNESCO.

E idiomanan oficial di Aruba ta tanto Papiamento como Hulandes. Mayoria habitante di Aruba, sinembargo por papia banda di e diomanan oficial tambe Ingles y Spaño.