Creando conocemento y comprension a traves di ciencia ta capacita nos pa soluciona e desafionan economico, social y ambiental urgente di awendia, y logra desaroyo di sociedadnan sostenibel y mas berde.
Saliendo for di punto di bista cu ningun pais por alcansa desarayo sostenibel su so, cooperacion cientifico internacional lo contribui, no solamente na conocemento cientifico, pero tambe na construccion di paz.
Den e sociedadnan actual, cu ta cada bez mas diverso, UNESCO ta sigui cumpli tur dia cu su mision humanista fundamental, pa yuda tur hende enfrenta e desafionan contemporaneo, comprende otro miho y traha hunto pa construi un paz duradero. UNESCO tambe ta yuda facilita pa tur persona crea y haci uzo di conocemento, pa logra sociedadnan husto, inclusivo, resiliente y democratico.
UNESCO y e Estadonan Insular Chikito den Desaroyo
E Estadonan Insular Chikito den Desaroyo (Small Island Developing States-SIDS) a haya reconocemento como un grupo di pais distinto den desaroyo, cu ta vulnerabel ora di enfrenta desafio specifico riba tereno social, economico y ambiental, den e Conferencia di Nacionnan Uni tocante Medio Ambiente y Desaroyo (CNUMAD), tambe conoci como e Cumbre pa Mundo, cu tabata di 3 pa 14 di juni 1992 na Rio de Janeiro, Brasil. E grupo di estado aki ta consist di 38 Estado Miembro di NU y 20 No-Miembro di UN/Miembro Asocia di Comisionnan Regional.
Dianan Internacional di Ciencia promove na Aruba
- Dia 4 di maart Dia Mundial di Ingenieria pa Desaroyo Sostenibel
- Dia 22 di mei Dia Internacional pa Diversidad Biologico
- Dia 5 di juni Dia Mundial pa Medio Ambiente
- Dia 8 di juni Dia Mundial pa Oceanonan
- Dia 3 di november Dia Internacional pa Biosfera
- Dia 5 di november Dia Mundial pa Conscientisacion di Tsunami
- Dia 10 di november Dia Mundial di Ciencia pa Paz y Desaroyo