Convenio pa salvaguardia Patrimonio Cultural Intangibel
CONVENIO PA SALVAGUARDIA PATRIMONIO CULTURAL INTANGIBEL
Durante e Conferencia General di e Organisacion di Nacionnan Uni, cu ta traha riba tereno di Educacion, Ciencia, Cultura, Comunicacion y Informacion, denomina en adelanti como UNESCO, den su di trintidos (32) reunion, cu a tuma luga na Paris, for di september bintinuebe te cu october diesshete 2003 (29-09-2003 pa 17-10-2003);
Consciente di e boluntad universal y e preocupacion comun pa salvaguardia e patrimonio cultural intangibel di humanidad y,
Considerando e balor incalculabel di patrimonio cultural intangibel, como factor pa acercamento, intercambio y entendimento entre tur ser humano, UNESCO a adopta e Convenio presenta, dia diesshete di october 2003 (17-10-2003)
E CONVENIO TIN E SIGUIENTE METANAN:
- Salvaguardia patrimonio cultural intangibel;
- Garantisa respet pa patrimonio cultural intangibel for di e comunidadnan, grupo- y individuonan concerni;
- Engrandece e consciencia na nivel, local, nacional y internacional, pa importancia di patrimonio cultural intangibel, y sigura e reconocemento y aprecio mutuo;
- Fomenta cooperacion y asistencia internacional.
AREANAN DI PATRIMONIO CULTURAL INTANGIBEL
Patrimonio Cultural Intangibel, manera e ta defini den e Convenio, ta manifesta su mes particularmente den e siguiente areanan:
- Tradicion y expresion oral, incluyendo idioma como vehiculo di patrimonio cultural intangibel;
- Arte di tarima, artesania y foklore;
- Custumber social, ritual y actividadnan festivo;
- Conocemento y custumber relaciona cu naturalesa y universo ;
- Tecnica di ofishi artesanal y tradicional.