Educacion ta transforma bida, y ta e enfoke principal den e mision di UNESCO, pa construi paz, eradica pobresa y stimula desaroyo sostenibel. E ta un derecho humano di tur hende pa bida largo. UNESCO ta e unico organisacion di Nacionnan Uni cu un mandato, pa inclui tur e aspectonan di educacion.

UNESCO a haya e encargo pa guia e Agenda Mundial di Educacion 2030, a traves di e Obhetivo di Desaroyo Sostenibel # 4.

UNESCO ta eherce un liderazgo mundial y regional den educacion, ta fortalece e sistemanan educativo na nivel mundial, y ta reacciona riba e desafionan mundial contemporaneo, a traves di educacion cu igualdad di genero como punto di salida. Su trabou ta abarca desaroyo di educacion di calidad desde educacion preescolar te cu educacion superior y mas halto.

Asociated School Projects (ASP)

Un di e programanan cu UNESCO Aruba a ehecuta cu exito ta esun di busca cooperacion local y internacional. Aki ta referi na SCOLNAN ASOCIA DI UNESCO (ASOCIATED SCHOOL PROJECT)

KICO TA ASP?
E Netwerk di Scolnan Asocia di UNESCO (ASPnet) ta conecta 12.000 scol di 182 pais, cu ta traha alrededor di e obhetivo comun pa crea balor di paz den mente di mucha y hoben. Pa medio di accionnan concreto, e scolnan asocia ta promove e idealismonan di UNESCO, balora e derechonan fundamental y dignidad, igualdad di genero, progreso social, libertad, husticia y democracia, respet pa diversidad y solidaridad internacional.
E Netwerk ta funciona riba nivel internacional y nacional den tres ambito cu prioridad bon defini: educacion pa desaroyo sostenibel, educacion pa ciudadania global, y aprendisahe intercultural y patrimonial.

SCOLANAN ASP NA ARUBA
Na juni 2021 UNESCO-Aruba a organisa un webinar pa informa e mundo di enseñansa na Aruba tocante e Red Associate Schools Project Network (ASP) di UNESCO, specificamente di e Red hunto cu Secretariado di UNESCO-Paris y e Comision Nacional pa UNESCO di Hulanda y di Corsou. Entre otro a duna informacion riba e procedura con un scol den un pais por bira miembro di e Red di ASP.

Pa por bira un Scol ASP di UNESCO e programa ta focus riba tres tema:

  1. Cuidadano Global y Cultura di Paz y no-violencia.
  2. Desaroyo y sistema di bida sostenibel.
  3. Enseñansa intercultural y aprecio di diversidad cultural.
  4. Inovacion y transformacion di e sistema di educacion.

Finalmente cuater (4) scol a haci un aplicacion na UNESCO-Aruba pa bira un Scol ASP. E coordinador nacional di ASP na e Secretariado a duna cada scol un presentacion di e condicionnan pa por bira un miembro di e Red ASP.
Cada scol mester a scohe un coordinador pa nan scol y nan mester a forma un UNESCO-team cu ta consisti di coordinador di ASP hunto cu e cabesante di scol.
Actualmente UNESCO-Paris a acepta e siguiente scolnan na Aruba como miembro di e Red ASP di UNESCO:

  • Colegio Hilario Angela (scol primario edad 4-12)
  • Prinses Amalia (scol primario edad 4-12)
  • EduCampus Aruba (edad 8-16)
  • International School of Aruba (edad 3-16)

PROYECTO Y/OF ACTIVIDADNAN DI SCOL ASP

Competencia Wings of Hope
Airport Authority of Aruba (AAA) a lansa un competencia Wings of Hope pa e scolnan na Aruba. E competencia tabata basa riba descripcion di un plan con pa introduci e metanan di Sustainable Development Goals (S DG’s). E cuater (4) Scolnan ASP hunto a participa, y nan a bira campeon di e competencia. Nan a gana e premio mayo pa e suma di AWG 20,000.00.

E Scolnan ASP a traha un plan cu e titulo “WASTE” hunto cu Aruba Beach Party y Aruba Compost Club.

E proceso pa haya e certificado como miembro Red ASP a tuma mas tempo, pa motibo cu e cuater (4) scolanan mester a siña conoce otro y traha hunto riba e plan .

Na september 2022, riba dia International di PAZ, tur e cuater (4) scolnan a haya e certificacion di e RED ASP. E scolnan ta forma un bon fundeshi pa cuminsa cu e prome UNESCO scolnan na ARUBA.

E scolnan. Durante e workshop, e scolnan a traha un plan con pa introduci actividadnan sostenibel na cada scol.

Dianan di Nacionnan Uni cu e Scolnan ASP ta pone atencion na dje ta:

  • 20 di november Dia Internacional di Derechonan di Mucha
  • 8 di september Dia Internacional di Alfabetisacion
  • 22 di september Dia Internacional di PAZ
  • 21 de februari Dia Internacional di Idioma Materno
  • 24 di october Dia Global di Media y Informacion (Global Media and Information Literacy – MIL)