E himno nacional di Aruba tin como titulo “Aruba Dushi Tera”. E conocido musiconan Rufo Wever y Juan Chabaya “Padu” Lampe a composita e cantica aki na 1952 den ritmo di wals. E dos musiconan a composita un cantica, pa medio di cua e pueblo di Aruba por a expresa amor cu nan ta sinti pa e isla, y pa lanta sentimento patriotico di cada persona. E popularidad di e cantica a crece, te cu na 1954 Radio Kelkboom a graba e cantica riba un disco 78 pm, canta pa e grupo ‘De Trupialen’ bou di guia di Frere Alexius, y compaña riba piano pa Padu Lampe.

Na 1976 Hubert “Lio” Booi, a añadi un couplet mas na e cantica, cu finalmente a keda aproba pa Parlamento di Aruba como e himno oficial di Aruba. Dia 18 di maart 1976 a proclama e cantica “Aruba Dushi Tera” como e himno nacional di Aruba, cu un presentacion di e cantica cu e couplet nobo bou di guia di sra. Maybeline Arends-Croes cu acompañamento di orkesta filharmonico di Aruba dirigi pa sr. Joy Kock.

Letranan di “Aruba Dushi Tera”