Kico ta Patrimonio
Cultural
Intangibel?

Patrimonio Cultural Intangibel ta:

• Tradicional, contemporaneo y bibo, tur hunto na e mesun momento: 
  Patrimonio Cultural Intangibel no ta inclui solamente tradicionnan cu a hereda di pasado, pero tambe custumber y forma di biba contemporaneo di diferente grupo cultural.
• Inclusivo:
  Nos expresionnan ta parecido na esun di e otronan. Nan a pasa di generacion pa generacion, a evoluciona conforme nan medioambiente, y ta contribui na un sentimento di identidad y continuidad, creando un vinculo entre pasado y futuro a traves di presente.
  Patrimonio Cultural Intangibel ta contribui na cohesion social, fomentando asina un sentimento di identidad y responsabilidad, cu ta yuda cada individuo sinti su mes miembro di un of varios comunidad y di sociedad en general.
• Representativo:
  No ta balora Patrimonio Cultural Intangibel solamente como un bien cultural, cu un base comparativo, pa su exclusividad of su balor excepcional. E ta florece y prospera den comunidad y ta depende di esnan cu ta pasa nan conocemento di tradicion, habilidad y custumber na e otronan den e comunidad, di generacion pa generacion, of na otro comunidadnan.
• Ancra den comunidad:
  Patrimonio Cultural Intangibel ta bira patrimonio solamente si e haya reconocemento como tal di e comunidad-, grupo- of individuonan cu a crea, mantene y traspasa dicho patrimonio. Sin e reconocemento aki, niun hende no por dicidi pa nan, cu un expresion of un custumber determina ta forma parti di nan patrimonio.