Nos Isla
Cu e publicacion aki Departamento di Cultura hunto cu Ministerio di Labor, Cultura y Deporte kier duna un aporte na e necesidad cu tin pa haya informacion basico di nos isla Aruba. E compilacion aki ta forma parti di un serie di buki educativo cu Departamento di Cultura ta publica pa duna informacion riba diferente tereno di cultura y di nos isla en general.
Esaki ta un edicion den cua ta haya informacion di:
- Nos isla
- Nos himno
- Nos escudo
- Nos bandera
- Nos idioma Papiamento
- Nos moneda
E publicacion aki ta disponibel pa publico general, pero e ta desaroya specialmente pa hoben cu tin mester di e informacionnan menciona pa traha cualkier tarea pa scol. En principio e informacion riba e temanan menciona ta di importancia pa tur ciudadano di Aruba. Tur hende cu ta biba na Aruba mester conoce nos escudo, nos himno, nos bandera, nos idioma y nos moneda. Tur esaki ta parti di nos cultura y di nos identidad.
Departamento di Cultura Aruba 30 di september, 2008
Share