Dia 4 di october 2023, Secretaria-General di Comision Nacional di UNESCO Aruba (UNESCO-Aruba) sra. Marushka Tromp, hunto cu e specialista di e area di ‘Comunicacion y Informacion (C&I)’ di UNESCO-Aruba, sra. Birgit Kreykenbohm, a bishita oficina di UNESCO na Den Haag.

Durante e bishita a reuni cu sra. Marielies Schelhaas, Secretaria-General di UNESCO-Hulanda y cu sr. Tim de Haan, kende tambe ta specialista di area di ‘C&I’. 

E topiconan cu a discuti ta entre otro:

• Intensificacion di e colaboracion cu UNESCO den reino riba e area di media y prensa;
• Oportunidad di pasantia na UNESCO-Hulanda pa studiantenan di Aruba;
• Formacion di un infrastructura pa facilita fondonan pa proyectonan di C&I hunto cu NGO’s local;
• E contenido di e roadmap di e area C&I di UNESCO Aruba.

Despues di e reunion a saluda e presidente di Comision Nacional di UNESCO-Hulanda, sra. Kathleen Ferrier, kende tabata den un reunion cu representantenan di UNESCO Vlaanderen.